Banorët e Unazës së Re nuk kanë lejuar sot grupet e ARRSH-së të bëjmë vlerësimin e banesave të tyre. Ata thonë se nuk do të lejojnë asnjë lloj punimi pa u zgjidhur problemi i tyre dhe prezencën e grupeve të vlerësimit e kanë konsideruar provokim nga ana e qeverisë Rama.
“Ikën, u larguan ata, mbrojmë shtëpinë tonë, ta harrojë se mund ta prishë shtëpinë”, tha njëri nga banorët.
Situata prej disa ditësh ka qenë mjaft e nxehtë në këtë zonë, për shkak dhe të protestës së të enjtes përpara parlamentit, ku nuk munguan as episode e dhunës dypalëshe mes policisë dhe banorëve.
Po kështu sot në terren kanë qenë edhe punëtorët e bashkisë për të hequr shtyllat e ndriçimit dhe pemët në të dyja anët e rrugës ku do të kalojë segmenti i “Unaza së Re”.
Punonjësit e bashkisë kanë ndërprerë punën për heqjen e shtyllave pas kundërshtimit të banorëve të Unazës së Re, njohur ndryshe dhe si “Astiri”.
/Opinion.al
