Ditën e të dashuruarve më 14 shkurt, çifti i njohur i showbizit, këngëtarja Katy Perry dhe aktori Orlando Bloom kurorëzuan në fejesë lidhjen e tyre të dashurisë. Aktori i njohur i propozoi Perry-t me një unazë stili ‘vintage’, ku vetëm guri në ngjyrë rozë ka kushtuar 5 milionë dollarë.
Mirëpo mediat e huaja kanë vënë në dukje një detaj. Forma e unazës së këngëtares Katy Perry është shumë e ngjashme me unazën që Bloom ka propozuar ish-bashkëshorten, modelen Miranda Kerr në 2010.
Një unazë me një gur të çmuar në qendër dhe e rrethuar me diamantë të vegjël. Mesa duket aktori ka ruajtur afërsisht të njëjtat shije sa i përket zgjedhjes së unazave të fejesës. Me ish-bashkëshorten Miranda Kerr aktori i njohur ka një djalë me emrin Flynn./Xh.K/Opinion.al/
