Partitë opozitare i kanë bërë thirrje qeverisë së Kosovës që deri më 27 shkurt të shpallë zgjedhjet e parakohshme.
Këto thirrje, në formë ultimatumi, janë bërë gjatë protestës së thirrur nga tri subjektet opozitare, Lëvizja Vetëvendosje, Aleanca për Ardhmërinë e Kosovës dhe Nisma për Kosovën.
Organizatorët e kanë paralajmëruar protestën e radhës për këtë të premte, në rast se Kuvendi i Kosovës atë ditë provon ta zgjedhë presidentin e ri.
Të mërkurën, disa dhjetëra mijëra qytetarë i janë përgjigjur thirrjes për protestë, të organizuar nga tri partitë opozitare në Kosovë. /rel/
