Shkon në gjashtë numri i drejtorëve të Hipotekave të cilët largohen nga detyra pas ultimatumit të kryeministrit Edi Rama. Lediana Bardhi, drejtore e Zyrës së Regjistrimit të Pasurive në Tiranë ka dhënë dorëheqjen këtë të mërkurë, raporton shqiptarja.com
Një javë më parë kryeministri Edi Rama u kërkoi drejtorëve të Hipotekave në të gjithë vendin të largoheshin nga detyra pasi kanë abuzuar me detyrën.
Nga detyra janë larguar deri tani: drejtori i Hipotekës së Gjirokastrës, Meleq Karabina, drejtori i Hipotekës së Tepelenës Pëllumb Milori, drejtori i Hipotekës në Përmet, Gentjan Kukureci si dhe ai i Hipotekës së Lushnjes, Ervis Sambolliu, dhe drejtori i hipotekës së Vlorës, Rezart Elmazi.
