ULQIN- Një autobus me turistë shqiptarë që po kalonin pushimet në Ulqin është përfshirë nga flakët në shtetin fqinj, Mali i Zi, mbrëmjen e së enjtes. Mediat vendase thonë se autobusi u dogj për shkak të një defekti teknik në kufirin mes Malit të Zi dhe Shqipërisë në rrugën e vjetër për të Ulqinit. Është bërë e ditur gjithashtu se 52 turistët kanë shpëtuar për mrekulli nga flakët e zjarrit.
Pasagjerët kanë ndjerë fillimisht tymin dhe më pas shoferi ka ndaluar autobusin dhe pasagjerët kanë dalë jashtë. “Novosti” shkruan se brenda pak minutash autobusi u përfshi i gjithë nga flakët duke u shkrumbuar dhe u deshën 2 orë për të shuar flakët.
