Mosha mesatare e rasteve të infeksionit në Itali është ulur në 40 vjeç. Këto të dhëna kanë dalë nga raporti i monitorimit javor të pandemisë Covid i cili u publikua nga Ministria e Shëndetësisë në itali.
Instituti i Lartë i Shëndetit ka raportuar se pothuajse në të gjithë vendin ka disa shpërthime të përmasave të ndryshme dhe shumë prej tyre janë shkaktuar nga njerëz që kanë ardhur në Itali nga vende me shkallë të lartë infektueshmërie.
“Rastet e riimportimit të infeksionit dhe disa zinxhirëve të vegjël të transmisionit me origjinë të panjohur tregojnë se epidemia në Itali nuk ka përfunduar”, thuhet në raport.
Sipas raportit, ulja në 40 vjeç e moshës mesatare i detyrohet faktit se rastet e reja janë në rradhët e asimptomatikëve dhe moshave të reja.
Në raportin javor Covid në Itali thuhet gjithashtu se ulja e moshës mesatare të të prekurve mbart një rrezik më të ulët kërcënues për shërbimet spitalore.
