Ulja e temperaturave ka kthyer sërish borën në juglindje dhe veri të vendit. Reshjet kanë qenë prezente prej orëve të para të mëngjesit të sotëm në lartësitë mbi 1300 metra të qarkut të Korçës. Në Dardhë dhe Voskopojë trashësia e dëborës ka shkuar në 5 centimetra.
Kontraktorët ndodhen në terren për çdo situatë të krijuar nga moti, për pastrim dhe kriposje të rrugëve. Nuk ka vështirësi në qarkullimin e mjeteve, por drejtuesit e mjeteve duhet të ulin shpejtësinë dhe të respektojnë rregullat e qarkullimit rrugor.
Në veri të vendit, raportohet se në aksin Qafë Mali-Fierzë në mëngjes kanë filluar reshjet e dëborës, por nuk paraqet problem për qarkullimin. Për përdoruesit e automjeteve apelohet të përdorin goma dimërore. Në Bashkinë Fushë Arrëz, vijojnë reshjet e dëborës. Momentalisht trashësia e dëborës arrin rreth 6-8 centimetra. Rrugët janë të hapura dhe qarkullimi vijon pa probleme.
TV Klan
