Italia ka shënuar një tjetër rënie të numrit të rasteve të reja me COVID-19 në 24 orët e fundit por nga ana tjetër është regjistruar një rritje e pazakontë e numrit të viktimave.
Teksa kishte rreth një javë që numri i viktimave ishte në rënie, sot janë raportuar 474, rreth 200 më shumë se dita e djeshme. Një shifër të tillë Italia nuk e kishte shënuar që prej 21 prillit.
Por kjo luhatje në shifra ndodh pasi numri i personave në spitale është ende i lartë duke marrë parasysh se ka ende 100 mijë raste aktive në vend.
Gjatë ditëve të fundit Italia ka raportuar mbi 2 mijë të shëruar në ditë por në 24 orët e fundit nuk kanë qenë po aq të suksesshme pasi vetëm 1,665 ja dolën të shërohen.
Gjithësej 28,710 humbën jetën nga koronavirusi në Itali dhe 79,914 janë shëruar. 100,704 janë ende të infektuar dhe nga këta 1,539 ndodhen në gjendje të rëndë. /Opinion.al
