Ukraina ka pretenduar se komandanti i flotës ruse të Detit të Zi, admirali Viktor Sokolov, u vra gjatë një sulmi të premten.
“Pas goditjes në selinë e flotës ruse të Detit të Zi, 34 oficerë u vranë, duke përfshirë komandantin e flotës ruse të Detit të Zi”, thanë Forcat e Operacioneve Speciale të Ukrainës në një përditësim në Telegram.
Ky sulm shënoi një goditje të madhe për Moskën, e cila ka pësuar një sërë goditjesh në portin strategjik të Sevastopolit në muajt e fundit, raporton AFP.
Më shumë se 100 ushtarakë të tjerë rusë u plagosën në sulm, tha ajo.
Ministria ruse e mbrojtjes tha në ditën e sulmit se një ushtarak ishte zhdukur, ndërsa fillimisht kishte raportuar se një person ishte vrarë.
