Futbollisti i vitit në Angli, Jamie Vardy, është kapur “mat” prej fotoreporterëve duke shkuar në stërvitjen e radhës në “Chantilly” me produkte që mund të sjellin largimin e tij nga Evropiani.
Sulmuesi i Leicester dhe një prej 3 luanëve të kombëtares angleze është parë duke mbajtur në dorë një pije energjike dhe një pako me nikotinë, të cilat konsiderohen si simulantë, shkruan “Panorama”.
Ndërkohë që Vardy nuk ka bërë asnjë shkelje të rregullave anti-doping, raproton “Dayli Mail”, këta simulant janë të përfshirë në listën monitoruese të Agjencisë Botërore të Anti-Dopingut, e cila i konsideron si faktorë që mund të sjellin largimin e një lojtari nëse përdoren në kompeticion.
Anglia përballet me Uellsin të enjten, një ndeshje shumë e rëndësishme për ta pas barazimit me Rusinë mbrëmjen e së shtunës në stadiumin “Valedrome” të Marsejës.
