Një 38-vjeçar është arrestuar nga Policia Kufitare pasi udhëtonte me 41000 euro të pa e deklaruara tek shërbimet doganore.
Policia njofton se 38-vjeçari nga Kuçova po udhëtonte drejtë Greqisë, ndërsa shumën e parave e kishte fshehur brenda automjetit.
Mbi të arrestuarin rëndon akuza “Mosdeklarimi në kufi i të hollave dhe i sendeve me vlerë”.
Njoftim/ Kakavijë
Vijon kontrolli i imtësishëm i mjeteve dhe qytetarëve, me qëllim parandalimin dhe goditjen e paligjshmërisë.
Sekuestrohen nga Policia Kufitare 41000 euro.
Procedohet penalisht poseduesi, i cili nuk i deklaroi në kufi.
Në vijim të kontrolleve të imtësishme, me qëllim parandalimin e krimeve ndërkufitare, shërbimet e Policisë Kufitare në P. K. K., në dalje të RSH-së, përzgjodhën për kontroll në vijën e dytë automjetin që drejtohej nga shtetasi E. B., 38 vjeç, banues në Kuçovë, i cili udhëtonte drejt Greqisë.
Gjatë kontrollit të ushtruar nga shërbimet e Policisë Kufitare, në bashkëpunim me shërbimet doganore, në pjesën e brendshme të automjetit u gjend e fshehur një sasi e konsiderueshme valute euro, të cilën ky shtetas po e kalonte drejt Greqisë, pa e deklaruar tek shërbimet doganore. Nga numërimi i sasisë rezultoi se ishin në total 41000 euro.
Policia Kufitare e Kakavijës ka njoftuar specialistët për hetimin e krimit ekonomik e financiar në DVP Gjirokastër, të cilët në përfundim të veprimeve të para hetimore kanë filluar procedimin penal ndaj 38-vjeçarit. Materialet do t’i përcillen Prokurorisë, për veprime të mëtejshme, për veprën penale “Mosdeklarimi në kufi i të hollave dhe i sendeve me vlerë”./ Opinion.al
