Dhjetë vite më parë, Elvana Gjata ishte një vajzë e re e cila sapo kishte provuar eksperincën e saj skenike si këngëtare në garën e talenteve “Ethet e së premtes mbrëma”.
Në atë kohë u fol për një histori me reperin e njohur në Kosovë, Getoar Selimi, histori që mbeti e pakonfirmuar nga të dy. Por pas plot një dekade, duket se mediat sociale janë kujtuar t’i rikthehen kësaj historie të shkuar, për faktin se dy artistët që dikur kanë bashkëpunuar me klipe tashmë nuk kanë as komunikim me njëri-tjetrin.
Sipas burimeve tona, flitet se Getoari ka qenë udhërrëfyesi i parë për të, pasi i ka mundësuar udhëtimin e parë jashtë vendit si këngëtare Elvanës, duke e marrë me vete në një nga koncertet e tij. Më pas kjo marrëdhënie u shkëput pa dhënë shpjegime në media as njëri as tjetri. Ndërsa aktualisht secili prej tyre përflitet për histori të reja, përkatësisht Elvana me Flori Mumajesin dhe Getoar Selimi me prezantuesen Marina Vjollca.
