Një student amerikan që mendohej se kishte vdekur në Kinë në vitin 2004 raportohet se ndodhet në Korenë e Veriut ku është marrë peng për t’i shërbyer Kim Jong Un-it si mësues personal.
David Sneddon nga Brigham Young University u zhduk në Provincën Yunnan në moshën 24-vjeçare, në atë që policia kineze tha se ndoshta mund të kishte qenë një aksident gjatë ngjites nëpër mal.
Por realiteti, sipas Choi Sung-yong, kreut të Bashkimit të Familjeve të Ndara në Korenë e Veriut, është se ai është rrëmbyer që të shërbejë si mësues anglishteje, raportoi sot Yahoo News Japan.
Sneddon tani jeton në kryeqytetin e Koresë së Veriut, Penian, ku ai i mëson anglisht fëmijëve dhe ka një grua dhe dy fëmijë, tha Coi.
Lajmi ishte befasues por i lehtësoi disi prindërit e Sneddonit, Roy dhe Kathleen, të cilët kishin patur gjithnjë dyshime lidhur me historinë zyrtare të zhdukjes së djalit të tyre.
‘Ne e dinim në zemrën tonë se ai ishte gjallë, kështu që duhet të vazhdojmë të luftojmë”, tha Kathleen Sneddon.
Dyshimi i tyre bazohet pjesërisht te fakti se trupi i Sneddonit nuk u gjet asnjëherë pasi u tha se ai kishte vdekur te Tiger Leaping Gorge, një kanion i lumit Yunnan Jinsha që është shumë popullor për turistët./Mapo.al
