Arqile Bollano ka reaguar pas zgjedhjes si kryetar i komanduar i Bashkisë së Himarës.
Zgjedhja e tij u bë pas mbledhjes së Këshillit Bashkiak këtë të premte.
Gjatë fjalës së tij, Bollano tha se është vazhdimësi e bashkisë dhe kanë rrugë për të bërë, që kushdo që të vijë në Himarë të ndjehet i kënaqur.
“Falenderoj Këshillin Bashkiak për bashkimin që ka. Do mundohem të jem sa më shumë bashkëpunues. Edhe me ata që nuk më votuan. I jam mirënjohës atyre. Unë jam vazhdimësi e bashkisë dhe kemi rrugë për të bërë. Nuk ka nevojë për llafe, ka nevojë vetëm për punë.
Që kushdo që të vijë në Himarë të ndjehet i kënaqur. Pavarësisht kundërshtimeve unë vij me një përgjegjësi të madhe. Nuk mund të parashikoj nëse do të dorëhiqem njësoj si paraardhësja ime”, u shpreh kryetari.
