Pas presioneve dhe kundërshtimeve nga autoritetet shqiptare, Fredi Beleri mori lejen për të shkuar në Strasburg dhe për t’u betuar si deputet i Parlamentit Evropian.
Sipas Protothemës, ai do të fluturojë mëngjesin e së hënës për në Athinë dhe nga Athina do të shkojë në Strasburg. Ai pritet të mbërrijë në Eleftherios Venizelos në orën 12.30.
Më pas ai do të shkojë në Strasburg, për të marrë detyrën si deputet i Parlamentit Evropian gjatë seancës hapëse plenare të Parlamentit Evropian dhe për të marrë pjesë në zgjedhjet për kryetarët e Parlamentit Evropian dhe Komisionit, sipas informacioneve.
Kujtohet se në maj 2023, dy ditë para zgjedhjeve bashkiake në Shqipëri, ku Beleri ishte kandidat për kryetar bashkie të Himarës u arrestua me akuzën e blerjes së votës.
