Fredi Beleri, i cili është zgjedhur eurodeputet, ka kërkuar nga policia shqiptare që të marrë pjesë në seancën e parë të Parlamentit Europian.
Ai i ka drejtuar një kërkesë Drejtorisë së Burgjeve që ta lejojë të shkojë fizikisht në mbledhjen e Parlamentit Europian, e cila do të zhvillohet më 15 korrik. Beleri është në mesin e 7 kandidatëve fitues të partisë Demokracia e Re e Kyriakos Mitsotakis.
Fredi Beleri ndodhet në burg në Shqipëri, pasi u arrestua dy ditë përpara zgjedhjeve vendore të 14 majit të vitit të kaluar, nën dyshimet për blerje votash.
Ai ishte kandidati i opozitës në Himarë, dhe doli fitues me një diferencë të ngushtë votash. Gjykata e Posaçme për Korrupsionin dhe Krimin e Organizuar, e ka dënuar atë me dy vjet heqje liri, vendim i cili u la në fuqi edhe nga Gjykata e Apelit.
