Gazetari investigativ, Artan Hoxha, ka zbuluar detaje të reja në lidhje me grabitjen e ndodhur pak ditë më parë në qytetin e Durrësit.
Hoxha ka hedhur hije dyshimi mbi vjedhjen e çantës së korrierit të Prokurorisë së Durrësit dhe dokumentacionit që ndodhej në të.
I ftuar të mërkurën në emisionin “Opinion”, deklaroi se një ndër dokumentet më të rëndësishme që ndodheshin në çantë, ishte edhe ekspertiza për një çështje trafikimi droge.
“Sipas informacioneve të mia, brenda çantës së korrierit të prokurorisë ndodhej ekspertiza për një çështje trafiku droge”,- tha Hoxha.
