Biznesmeni Julian Sula i njohur nryshe si Juli i pashakos është lënë i lirë nga policia e Lushnjës, pak orë pasi ai u vetëdorëzua teksa kërkohej si një nga të dyshuarit për atentatin në Lushnje.
Sula është lënë i lirë mëngjesin e së shtunës, pas deklarimeve të dhëna përpara grupit hetimor dhe nga hetimet e deritanishme rezulton se s’ka asnjë lidhje me atentatin.
Një ditë më parë policia ushtroi kontroll në banesën e Sulës, ndërsa disa orë më pas ai u vetëdorëzua në komisariat.
Tre ditë më parë pas një atentati me armë në qytetin e Lushnjës humbën jetën Jurgen Hoxha dhe Zamir Latifi, ndërsa ngjarja hap historitë e vjetra të bandave në këtë qytet, pasi dy viktimat ishin miqtë e ngushtë të Xhulio Shkurtit, djali i vëllait të Aldo Bares (Alfred Shkurtit). Ky i fundit mbeti i plagosur me 25 shtator të vitit 2016 së bashku me shokun e tij Saimo Xheliu 25 vjeç në të njëjtën zonë ku ndodhi ngjarja e sotme.
Për ngjarjen e vitit 2016 ku mbetën të plagosur Shkurti dhe Xheliu nuk u arrestua asnjë person ndërsa i dyshuari kryesor nga policia ishte Laert Haxhiu 25 vjeç.
Ky i fundit ka vrarë shokun e Aldo Bares, Gerti Lala i njohur me nofkën “Iriqi” në vitin 2009. Haxhiu doli nga burgu për vrasjen në fund të 2014-ës, ndërsa u arrestua sërish në Qershor të vitit 2015 për trafik heroine gjatë operacionit të koduar “Smart”.
