Papa Françesku anuloi për herë të parë në papatin e tij një tërheqje të Kreshmës, sepse vuan nga një ftohje. Kjo bëri që kreu i selisë së Shenjtë ti nënshtohej analizave për koronavirus duke marrë parasysh edhe shpërthimin e epidemisë në Itali. Sipas rezultateve të dala sot ai ka testuar negativ, raporton gazeta italiane Il Messaggero.
Zëdhënësi i Vatikanit Matteo Bruni tha se ai nuk kishte asnjë koment të menjëhershëm mbi raportin.
Drejtuesi 83-vjeçar i Vatikanit, i cili kishte hequr një pjesë të një mushkërie për shkak të një sëmundjeje dekada më parë, gjithashtu anuloi shumicën e takimeve javën e kaluar.
Italia ndërkohë ka 2,036 raste të konfirmuara me koronavirus. Numri i viktimave ka arritur në 52 ndërsa janë shëruar 149 pacientë. /Opinion.al
