Bodybuilderi shqiptar Jimmy Marku, dikur i njohur si ‘burri më i fuqishëm në Britani” është dënuar me rreth 3 vite heqje lirie për akuzën e emigrimit të paligjshëm të 17 shqiptarëve në Britaninë e Madhe.
Sipas mediave britanike 44-vjeçari me origjinë shqiptare, Marku në vitin 2008 ka fituar kompeticionin si ‘njeriu më i fuqishëm në Britani’, por më pas 4 vjet më vonë ka rënë në prangat e policisë për 9 muaj për pjesëmarrjen e tij në trafikimin e një sasie kanabisi me vlerë 65 mijë paund.
Lidhur me akuzat për trafikimin e personave në Britani, Marku mësohet të ketë pranuar akuzën e përkrahjes së emigrimit të paligjshëm të 17 shqiptarëve.
Ngjarja ka ndodhur në vitin në maj të vitit 2016, kur ata u gjetën në një anije të quajtur Fortunella në Chichester Marine. Mësohet se gjykata e ka dënuar 44-vjeçarin shqiptar me me 2 vjet e 11 muaj burg./Opinion.al/
Lexo edhe:U shpall ‘njeriu më i fuqishëm’ në Britani, shqiptari akuzohet për trafik
