Prokurori i Përgjithshëm Olsian Çela, ditën e sotme ka zhvilluar një takim me prokurorët e Prokurorisë së Krimeve të Rënda.
Ky takim vjen përpara përfundimit të aktivitetit të kësaj Prokurorie, e cila u shkri në funksion te krijimit të SPAK.
Gjate takimit, ai vlerësoi punën e kryer përgjatë 15 viteve të funksionimit të saj, duke theksuar se Prokuroria e Krimeve të Rënda ka qenë model për rajonin dhe ka arritur rezultate të rëndësishme në luftën ndaj krimit të organizuar.
Çela foli dhe për vendimet e Këshillit të Lartë të Prokurorisë për transferimet e prokurorëve të kësaj prokurorie, si shenjë e mbështetjes dhe vlerësimit që ky organ dha për karrierën e prokurorëve të Prokurorisë së Krimeve të Rënda.
“Rezultatet e hetimit në çështjet që lidhen me pasojat e tërmetit të 26 Nëntorit nga Prokuroria pranë Gjykatës së Rrethit Gjyqësor Durrës janë provë e funksionimit të pavarësisë reale të prokurorëve dhe vlerësoi punën e tyre në këtë drejtim”- tha ai./ Opinion.al
