Më në fund e ka pranuar se është rrëmbyer, shitur 4 herë në Maqedoni dhe më pas kërcënuar me jetë që të mos tregonte asgjë se çfarë i kishin bërë.
24-vjeçarja Vjollca Shkëmbi, ka thënë për “News 24” se Urim Qazimaj e kërcënonte vazhdimisht bashkë me njerëzit e tij.
“Urimi më shiti 4 herë në Maqedoni për 400 euro|, tha ajo.
24 vjeçarja që kishte denoncuar në polici rrëmbyesit e saj me qëllim shitjen në Maqedoni është mbajtur peng nga babai i njërit prej autorëve të dyshuar të rrëmbimit të saj
Ky dyshohet se nga data 27.12.2015 deri në datën 02.01.2015, ka mbajtur në banesën e tij, shtetasen V.SH, 24 vjeç, me qëllim që djali i tij, shtetasi Urim Qazimaj të dilte nga burgu, si edhe shtetasja V.SH, të përgënjeshtronte kallëzimin e datës 24.12.2015.
Sipas policisë, në pranga u vunë disa ditë më parë Urim Qazimaj, 23 vjeç, banues në fshatin PojanKorçë dhe Mersin Myrtollari, 50 vjeç, banues në fshatin Porodinë Korçë.
Dy banorët e Korçës akuzohen se pasi kanë rrëmbyer forcërisht një 24-vjeçare e kanë shitur disa herë në shtetas të ndryshën në Maqedoni, kundrejt shumës 400 euro.
“Arrestimi i tyre u bë pasi, këta dy shtetas, në bashkëpunim me njëritjetrin, dje në fshatin DobranjDevoll, kanë rrëmbyer forcërisht, për qëllim fitimi, nga banesa e saj, shtetasen V.Sh, 24 vjeç” njoftoi policia.
Nga hetimet e kryera, rezulton se shtetasi Urim Qazimaj, e ka shitur disa herë 24vjeçaren, në Maqedoni, në persona të ndryshëm, në këmbim të përfitimit material.
Nderkohë që Urim Qazimaj, kishte qëllim sërish, që të kalonte së bashku me 24 vjeçaren, në Maqedoni.
Por, vetë e reja nuk e kishte pranuar një gjë të tillë. “Urimi erdhi të më marrë pasi e lajmërova unë. Isha e martuar në Maqedoni, por nuk jam shitur”, tha ajo disa ditë më parë për “News24”.
Përveç kësaj, Vjollca Dervishi akuzoi policinë se e kishte detyruar të firmosë procesverbalin, por mesa duket këto deklarata i ka bërë e gjendur nën presion.
“Unë e dua Urimin, dhe ai është i pafajshëm. Policia më detyroi të firmos procesverbalin. Nuk është e vërtetë që jam rrëmbyer dhe që jam shitur. Unë isha e martuar në Maqedoni, por nuk jam shitur. Urimi erdhi të më marrë bashkë me dajën e tij pasi e lajmërova unë”, rrëfen 24-vjeçarja. (Panorama.com)
