Zjarrfikësit e Korçës kanë shpëtuar një të ri ditën e sotme, i cili u rrëzua në afërsi të Kishës së Shën Konstandinit.
Bëhet me dije se dy të rinj ishin ngjitur në këtë kishë, ndërsa një prej tyre ka rëshkitur dhe ka rënë mbi disa shkëmbinj.
Për shkak të terrenit të vështirë, i riu e ka patur të pamundur për të dalënga vendi ku ishte rrëzuar, prandaj kanë qenë banorët të cilët lajmëruan Shërbimin Zjarrfikës.
Zjarrfikësit kanë bërë të mundur nxjerrjen e të riut pa dëmtime fizike.
