Detektivët kanë publikuar një imazh elektronik të një burri që u rrëzua në një rrugë në perëndim të Londrës dhe vdiq 10 ditë më vonë në spital, me shpresën se familja e tij ta identifikojë, shkruan BBC.
Mjekët e ndihmës e gjetën burrin, që besohet të jetë shqiptar, në Sixth Avenue, Queen’s Park, më 6 tetor.
Ai u dërgua në spital ku vdiq 10 ditë më vonë. Policia ka nxjerrë edhe një imazh të një tatuazhi në krahun e tij të majtë.
Policia shtoi se vdekja e burrit nuk po trajtohej si e dyshimtë.
“Ne kemi kryer një numër kontrollesh për të tentuar të identifikojmë njeriun, duke përfshirë kontrollimin e përshkrimeve të çdo personi që është raportuar i zhdukur në zonë, por ende nuk kemi qenë në gjendje të kuptojmë se kush është ai.”
Policia shpreson se tatuazhi i burrit mund të njihet
“Ne po punojmë me mjekun ligjor për të identifikuar të afërmit e tij të afërt dhe po nxjerrim një imazh të një tatuazhi që burri kishte në bicepin e tij të brendshëm të majtë me shpresën se dikush mund ta njohë atë dhe ta identifikojë”
Në pamjet, policia tha se ai dëgjohej duke folur me veten në një gjuhë të huaj, për të cilën autoritete besonte se ishte shqip.
