Një nga marinarët shqiptarë, të anijes “Celepia 2” është gjetur, pas rrëmbimit të mjetit lundrues nga egjiptiani Adel Muhamed Salam. Ministria e Jashtme në një njotim zyrtar thekson se Luan Mema është gjetur në bordin e anijes nga autoritetet egjiptiane.
Peshkarexha ishte ankoruar në portin e Aleksandrisë në Egjipt dhe u zbulua dje nga policia egjiptiane. Marinari është në gjendje të mirë, ndërsa nuk ka asnjë shenjë rreth kapitenit shqiptar Dhimitër Malja.
Gjithashtu, autoritetet egjiptiane arrestuan dje pengmarrësin dhe pritet që të ekstradohet në Shqipëri.
