Shani Louk, 22-vjeçarja gjermane e cila u zhduk kur Hamasi sulmoi një festival muzikor më 7 tetor, tani është konfirmuar e vdekur, ka thënë familja e saj.
Duke folur për mediat gjermane, Ricarda Louk tha se mori lajme të dielën nga ushtria izraelite se disa mbetje të trupit të vajzës së saj ishin gjetur. ADN-ja nga një fragment kocke ishte analizuar dhe përputhej me mostrat e ofruara nga familja e saj, tha nëna e saj.
Motra e Shanit, Adi, shtoi në Instagram: “Me pikëllim të madh njoftojmë vdekjen e motrës sime Shani Nicole Louk, më 7 tetor 2023, në masakrën në Re’im”.
Mendohej se Shani ishte rrëmbyer nga persona të armatosur të Hamasit gjatë festivalit të muzikës Supernova në shkretëtirën Negev, afër kufirit të Gazës, ku u vranë 260 njerëz. Ricarda kishte kërkuar informacion mbi vajzën e saj pasi pa pamjet në internet, të cilat besonte se tregonin Shanin “të pavetëdijshëm në një makinë”.
