Partia Demokratike ka denoncuar mbylljen e gjimnazit “Sami Frashëri” në Tiranë si pasojë e tërmetit të 26 nëntorit.
Nga oborri i godinës së shkollës që është shpallur e pa sigurt, ish-deputeti Luçiano Boçi tha se kjo shkollë u rikonstruktua vetëm një vit më parë.
“Kjo shkollë është rikonstruktuar para një viti ku vet kryetari i bashkisë ka garantuar për sigurinë. Por në këtë shkollë nuk ka siguri as për nxënësit dhe as për prindërit. Madje mungon transparenca e dokumentacionit që duhet të paraqesë bashkia. Sot ndërtesa është e rrënuar dhe e pa frekuentuar nga nxënësit dhe mësuesit”, u shpreh Boçi.
Ai shtoi se kjo është një aferë e cila ka për qëllim fshehjen e një krimi korruptiv. /Opinion.al
