Lara Colturi, skiatorja italiane që përfaqëson Shqipërinë, ka regjistruar rezultatin e saj më të mirë në garat e Kupës së Botës, duke u renditur e mënta në Kupën e Botës.
Për këtë arritje, ka reaguar edhe kryeministri Edi Rama përmes një postimi në rrjete sociale.
Ai shkruan se 17-vjeçarja është sot xhevahiri më i çmuar i kurorës në ski, kjo falë pasionit të kreut të Federatës së Skive, Elvis Toçit.
“Një tjetër rezultat fantastik për Shqipërinë. Skiatorja Lara Colturi, italiania që vendosi bashkë me prindërit të përfaqësojë flamurin më të bukur në botë, u klasifikua për herë të parë në Top10, në një garë të Kupës së Botës. Urime Federatës Shqiptare të Skive, e cila falë pasionit të paepur të presidentit Elvis Toçi, ka krijuar një bërthamë talentesh me djem e vajza shqiptare, që stërviten në pistat e Italisë e jo vetëm, ndër të cilët Lara është sot për sot xhevahiri më i çmuar i kurorës”, shkruan Rama./Opinion.al
