Policia e Shkodrës ka zbardhur ngjarjen në Vaun e Dejës, pasi mëngjesin e sotëm u raportua për një person të plagosur.
Sipas uniformave blu mësohet se rreth orës 11:20, në sallën operative ka telefonuar një shtetas i cili ka thënë se në një stan, dyshohet se ishte i plagosur një shtetas.
Pas njoftimit, policia shkoi në vendngjarje dhe në bazë të hetimeve në terren rezultoi se se shtetasi F. D. (dyshohet me probleme të shëndetit mendor) nuk është plagosur, por si pasojë e temperaturave të ulëta, ka pësuar ngrirje të gjymtyrëve, dhe për këtë arsye, ka kërkuar ndihmë.
Momentalisht, ky shtetas është jashtë rrezikut për jetën.
”Rreth orës 11:20, në sallën operative të Komisariatit të Policisë Vau i Dejës, ka telefonuar një shtetas i cili ka thënë se në një stan, në vendin e quajtur “Fusha e Liqenit”, në fshatin Shllak, dyshohet se ishte i plagosur një shtetas.
Pas njoftimit, shërbimet e Policisë kanë organizuar punën dhe kanë shkuar në adresën e dhënë.
Nga veprimet e para hetimore të kryera për këtë rast, rezulton se shtetasi F. D. (dyshohet me probleme të shëndetit mendor) nuk është plagosur, por si pasojë e temperaturave të ulëta, ka pësuar ngrirje të gjymtyrëve, dhe për këtë arsye, ka kërkuar ndihmë.
Për shkak të terrenit të vështirë në malin e Cukalit, ku u gjet shtetasi F. D., ai po transportohet me këmbë, nga punonjësit e Policisë, deri tek autoambulanca që ka shkuar në afërsi të vendngjarjes.
Momentalisht, ky shtetas është jashtë rrezikut për jetën”, njofton policia./Opinion.al
