Tre persona, të cilët prezantoheshin si zyrtarë të lartë, me qëllim mashtrimin për të përfituar shuma monetare janë arrestuar nga policia.
Si rezultat i këtij operacioni u bë arrestimi për veprën penale “Mashtrimi”, i 34-vjeçarit Afrim Radici, banues në Librazhd, 41-vjeçarit me iniciale Gëzim Çelanji banues në Skrapar, dhe 22-vjeçarit Qazim Vata banues në Kukës.
Në vijim të veprimeve u shpall në kërkim Florian Gjergji, 40 vjeç, i dyshuar si organizator i kësaj skeme mashtrimi.
Në cilësinë e provës materiale u sekuestruan 2 automjete dhe 5 aparate celulare.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.
Të arrestuar:
Afrim Radici, 34 vjeç, banues në Librazhd
Gëzim Çelanji, 41 vjeç, banues në Skrapar
Qazim Vata, 22 vjeç, banues në Kukës
Në kërkim:
Florian Gjergji, 40 vjeç
