Vdekja tragjike e 17-vjeçares, E.Doda, ditën e djeshme në plazhin e Velipojës ka tronditur rëndë familjen e saj.
Ata kanë hapur sot dyert e mortit në shtëpinë e tyre në Bathore. Babai i vajzës, Lezan Doda ka gjetur forcën për të bërë një dedikim në Facebook për vajzën e tij.
“U prefsh në paqe zemra e babit zoti të mori shpejt fizikisht por jo shpirtërisht. Qofsh e xhenetit”, shkruan Lezan Doda.
Detaje të reja të dala sot rreth ngjarjes tregojnë se nuk kemi të bëjmë me mbytje thjeshtë. 17-vjeçarja kishte shkuar për një xhiro me motorr uji më një shok të sajin 25 vjeç. Pas disa orësh, pronarët e motorrit, të shqetësuar për mjetin e tyre, kanë kërkuar dhe kanë gjetur Indrit Bajraktarin në ujë.
Ai iu ka thënë se vajzën e kishte nxjerrë në breg dhe e kishte lënë me xhaxhain. Sipas pretendimit të tij para oficerëve të policisë, vajza ka rrëshkitur nga skafi dhe është mbytur në det. Por ai shton se më pas nuk mban mend se çfarë ka ndodhur.
Vajza u gjet e pajetë ditën e djeshme 700-800 metra larg bregut.
Ende nuk dihet se si ajo u mbyt dhe çfarë e shtyu 25-vjeçarin ta linte në det.
Referuar njoftimit të policisë, ndaj të riut rëndojnë akuzat për veprat penale “Shkaktimi i vetëvrasjes”, “Moskallëzimi i krimit” dhe “Veprime që pengojnë zbulimin e së vërtetës”. /Opinion.al
