38-vjeçarja, Marjola Myrtollari, e plagosur me thikë nga bashkëshorti i saj 2 ditë më parë, është nisur me urgjencë drejt Spitalit të Traumës në Tiranë.
Siç mësohet, gjendja e saj është përkeqësuar më tepër, ndaj është transportuar me helikopter drejt Tiranës.
Që prej momentit të ngjarjes, Myrtollari ka qëndruar në reanimacion në gjendje të rëndë pasi ka marrë disa plagë me thikë në trup.
Ndërkohë kujtojmë që bashkëshorti i saj Aleko Myrtollari, vazhdon të jetë në arrati, ndërsa autoritetet po punojnë për kapjen e tij.
Ngjarja ndodhi mbrëmjen e së shtunës, ku Aleko Myrtollari pas një debati për motive xhelozie, plagosi me thikë bashkëshorten e tij Marjola Myrtollari dhe u largua nga vendi i ngjarjes./Opinion.al
