Një efektiv i Policisë së Durrësit ka mbetur i plagosur ditën e sotme, pasi tentoi që të ndante dy persona nga një konflikt fizik në mes të rrugës.
Ngjarja ka ndodhur rreth orës 17:30 të ditës së sotme në afërsi të hyrjes së re të Portit të Durrësit, përkatësisht tek Ura e Dajlanit.
Polici, i cili është efektiv i patrullës, pa dy persona që konfliktoheshin në rrugë dhe tentoi që të ndalte konfliktin, mirëpo njeri prej tyre e goditi me thikë në bark dhe dorë.
Ai është dërguar me urgjencë në Spitalin Rajonal të Durrësit dhe gjendet jashtë rrezikut për jetën.
Burime brenda policisë thonë se polici është identifikuar si Sami Gjyzeli, 56 vjeç. Ndërsa autorët e plagosjes janë larguar me motor nga vendngjarja dhe janë shpallur në kërkim.
