Një vajzë 20-vjeçare nga Verona është mbytur pasditen e djeshme në liqenin Garda në Itali.
Mediat italiane shkruajnë se Anna Lorenzi, e cila do të mbushte 21 vjeç në prag të Krishtlindjeve, u hodh në ujë për të shpëtuar vëllain e vogël 14-vjeçar.
Për fat të keq, ajo nuk ishte aq e fortë sa për të mposhtur rrymën dhe filloi të zhytej nën dallgë.
Vëllai i saj u shpëtua nga dy zhytës të cilët u shkuan në ndihmë kur dëgjuan britmat, por, Anna iu kishte humbur nga shikimi dhe për shkak të lodhjes së mundshme u fundos pa u rishfaqur.
Ndërkohë që familjarët ndoqën nga toka operacionet e shpëtimit, në vendngjarje kanë shkuar personeli i kapitenit të portit dhe mjekët me një ambulancë, përveç zjarrfikësve që kanë kontrolluar zonën nga lart me helikopter.
Trupi i 20-vjeçares i pajetë u nxor më vonë nga uji nga zyrtarët e rojës bregdetare. E reja kishte përfunduar në një thellësi prej gjashtë metrash.
Për minuta të gjata ekipet e shpëtimit u përpoqën të ringjallën vajzën, por çdo përpjekje ishte e kotë.
