Një çift italian është aksidentuar ditën e sotme, ndërsa udhëtonin në qytetin e Sarandës me motorr. Sipas policisë, dy turistët e huaj, gruaja italiane dhe bashkëshorti i saj u përplasën me një makinë
Viktimë e këtij aksidenti ka mbetur Maria Sedda 64 vjeç, ndërsa i plagosur rëndë ka mbetur Giuseppe Sciutto, 65 vjeç, i cili ndodhet ende në urgjencën e Spitalit të Sarandës.
Ndërkohë që policia ka dhënë edhe detaje nga aksidenti që ndodhi në aksin Sarandë-Butrint, në fund të Kanalit të Çukës.
Informacion paraprak
Më datë 24.08.2018, rreth orës 11:00, në aksin rrugor “Sarandë – Butrint” në fund të Kanalit të Çukës ka ndodhur një aksident midis një automjeti dhe motori, me pasojë vdekjen e një personi.
Konkretisht në zonën e Hidrovorit, automjeti tip Ford me targa AA 609 UD është përplasur me një motoçikletë tip Piaggio me targa AL 429, ku si pasojë ka humbur jetën një shtetase italiane (pasagjeria e motorit) dhe është plagosur rëndë drejtuesi i këtij motori, të dy shtetas italian me banim në Genova, Itali.
I dëmtuari ndodhet në Urgjencën e Spitalit të Sarandës.
Po punohet për gjeneralitetet e tyre.
Grupi hetimor ndodhet në vendngjarje duke kryer hetimet e mëtejshme në lidhje me sqarimin e rrethanave.
