Sekretariati i Etikës ka vendosur ditën e sotme të përjashtojë me 10 ditë nga punimet e Kuvendit, dy deputetet e opozitës, Elda Hoti dhe Albana Vokshi.
Lidhur me këtë çështje ka reaguar deputetja e Partisë Demokratike Albana Vokshi.
Vokshi thekson se Rama urdhëron 4 gra deputete që të përjashtojnë dy gra deputete, ndërsa shton se po ashtu kryeministri urdhëron gratë ministre të firmosin çdo vjedhje, abuzim e korrupsion të tij.
“Propaganda e Ramës me numrin e grave dhe keqpërdorimi i tyre. Urdhëron 4 gra deputete që të përjashtojnë dy gra deputete. Urdhëron një grua që të ndalojë gratë deputete të hyjnë në seancat plenare. Urdhëron një grua të urdhërojë gardën të ndalojë e të dhunojë fizikisht gratë deputete të opozitës. Urdhëron gratë ministre të firmosin çdo vjedhje, abuzim e korrupsion të tij… Ja pse i duhen gratë Edi Ramës…“-shkruan Vokshi.
