Gjykata e Tiranës ka lënë në burg Real Zefin dhe Korrado Katananpasi akuzohen se kanë vendosur lëndë plasëse në zyrën e noteres Esmeralda Dauti.
Mësohet se Katana ka implikuar gjatë dëshmisë së parë edhe shtetasin Real Zefi si bashkëpunëtor.
Ndërkohë në seancën e sotme, ai ka mohuar dëshminë e dhënë në Prokurori, duke pretenduar se nuk ka lidhje me ngjarjen.
Korrado Katana u shpreh se nuk kishte lidhje me ngjarjen dhe se nuk ka pasur marrëdhënie të tillë me Real Zefin.
Ai ka theksuar se deklaratat i ka bërë nën presion dhe pa praninë e avokatit.
“Nuk mund të ketë një masë shtrënguese kaq të rëndë vetëm mbi thëniet e një personi, për më tepër kur ky shtetas ka ndryshuar qëndrim. Nuk provohet përfshirja në ngjarje dhe nuk është i arsyeshëm qëndrimi në burg. Kërkoj lirimin kjo edhe për shkak të rrethanave familjare. Ka një fëmijë të mitur vetëm 2-vjeç me probleme shëndetësore si dhe bashkëshorten po me probleme shëndetësore që kanë nevojë për përkujdes”.
Përveç Katanas dhe Zefit, në pranga ka përfunduar edhe shtetasi Eno Flamuraj, ndërsa janë shpallur në kërkim edhe dy shtetas të tjerë. Ngjarja ndodhi më datë 30.01.2024, në rrugën “Perlat Rexhepi”.
