U mbyllin lokalin prej zhurmave, të dehurit masakrojnë policin te “Komuna e Parisit”

Një ngjarje e rëndë ka ndodhur në zonën e quajtur “Komuna e Parisit” në Tiranë, ku një efektiv policie ka mbetur i plagosur pas një sherri për motive banale të ndodhur në një lokal të zonës. Rreth orës 3:00 të mëngjesit, një patrullë policie është lajmëruar për prishje të qetësisë publike në një lokal, dhe ka shkuar për të qetësuar situatën. Ndërkohë personat e dehur, pas ndëryrjes së Policisë, kanë sulmuar këta të fundit me sende të forta duke lënë të plagosur njërin prej policëve. Më pas punonjësit e policisë kanë ndërhyrë dhe kanë bërë të mundur shoqërimin në ambientet e Komisariatit të Policisë Nr. 2 të shtetasve E. S., 40 vjeç, A. K., 27 vjeç dhe A. K. 45 vjeç, kurse personat e tjerë janë larguar me automjetin tip “Mercedes Benz”. Po punohet për kapjen e personave të tjerë të përfshirë në këtë konflikt. Po kryhen veprimet procedurale.