Nëna e 16-vjeçares Elisa Tozaj e cila është larguar për herë të dytë nga banesa e saj në Vlorë ka kërkuar sërish ndihmë për gjetjen e vajzës.
Sipas saj, shkak i largimit të vajzës dyshohet të jetë lidhja me një djalë që ka pasur 16-vjeçarja, për të cilën familjarët nuk ishin dakord.
Entela Tozaj ndër të tjera ka thënë se në një lagje tre persona i kanë thënë se e kanë parë vajzën ndërsa shumë të tjerë refuzojnë të japin informacion. Ajo apelon që vajza të kthehet në shtëpi.
“Në lidhje me largimin e vajzës, policia nuk na ka thënë gjë. Na ka thënë vetëm që jemi në kërkim. Thjesht ka thënë që jemi në terren po e kërkojmë. Vajza është lidhur me një djalë që ne nuk e pranuam dhe për këtë arsye është larguar. Djali ka deklaruar se nuk kam lidhje me vajzën. Nuk kam folur. Ai është personi i fundit që ka folur me vajzën me mesazhe. Kam bindje që djalin e fsheh vajzën.
Vajza është me djalin. Kemi pasur një debat sepse nuk kemi qenë dakord sepse vajza është e vogël. Është në një moshë që duhet të bëjë shkollën. E kemi kërkuar. Në një lagje kemi marrë informacion nga tre persona që vajza është parë në atë lagje. Ka shumë njerëz të tjerë që kur shikojnë foton e vajzës ngurojnë të thonë diçka. Apeli im është që vajza të kthehet në shtëpi”, thotë ajo.
Nga ana tjetër djali që akuzohet nga familja e 16-vjeçares ka qenë sot në polici ku ka dhënë deklarimet e tij. Ai ka thënë se nuk ka dijeni për vendndodhjen e saj pasi nuk kanë pasur komunikim.
16-vjeçarja rezulton e zhdukur që prej ditës së premte./Opinion.al
