Turizmi dimëror ka qenë në qendër të diskutimit mbrëmjen e së premtes në emisionin “Opinion”. Pedagogu Ermal Hasimja, i pasionuar pas ngjitjes në male dhe sporteve të dimrit, ka sjell në studio një video në të cilën shihet teksa hyn për t’u larë në ujin e liqenit thuajse të ngrirë.
Pjesë nga intervista
Blendi Fevziu: Më thanë qëparë këta të stafit “nuk është mirë nga mendtë e kokës Ermali sepse është larë në liqen në mes të dimrit” dhe më sollën videon. Ku je këtu?
Ermal Hasimja: Këtu është liqeni i Bizës, i Martaneshit që e përmende. Liqeni vetë është fantastik.
Blendi Fevziu: Liqeni i Bizës gjysmën e kohës është i ngrirë?
Ermal Hasimja: I ngrirë është edhe aty në fakt. Thjesht kishte pak hapësirë sa për t’u larë për “plazh”.
Blendi Fevziu: U lave me të vërtetë ti aty? Sa ishte temperatura e ujit?
Ermal Hasimja: Aty afër zeros.
Blendi Fevziu: Zero gradë dhe u fute në ujë?
Ermal Hasimja: Po të ishte gjysmë gradë më tepër më poshtë do të kishte ngrirë, por akull ishte. U lava 1 minutë-2 minuta.
