Këto pamje janë regjistruar në një biznes në Tiranë ku shfaqet 27-vjeçari Marash Gjoklaj, i cili u arrestua pasi ngacmoi seksualisht një 19-vjeçare.
Sipas Klan News. ky është momenti i parë kur i riu e ngacmon me fjalë dhe largohet, ndërsa rikthehet më pas dhe tentoi të abuzojë seksualisht.
Herën e dytë pasi u rikthye, Gjoklaj iu afrua tek banaku dhe me fjalë fyese e kapi për dore dhe tentoi ta dërgonte në magazinë duke e goditur.
Gjatë kësaj kohe ai e dëmtoi në duar dhe e goditi tek pjesa e syrit të djathtë duke i shkaktuar një hematomë dhe skuqje. Pas këtij momenti shitësja mundi të dalë në rrugë dhe të kërkojë ndihmë tek kalimtarët.
Në dëshminë e saj në polici, vajza tregoi se nuk e njihe 27-vjeçarin dhe nuk e kishte parë asnjëherë më parë.
Marash Gjoklaj, rezulton i dënuar me 4 vite burg për marrëdhënie seksuale me dhunë me të rritura, dhe i liruar me kusht.
Mbeten ende të paqarta argumentet e gjykatës se mbi çfarë baze i ka dhënë të riut lirinë pavarësisht dënimit për një vepër të rëndë penale.
Ndërkaq, këtë të hënë Marash Gjoklaj doli para gjykatës, ku u njoh me masën e sigurisë. Togat e zeza vendosën të linin në burg të riun. Ndërsa vetë Gjoklaj mohoi të ketë kryer veprimet për të cilat akuzohet.
