Ish-ministri i Jashtëm, Ditmir Bushati pas largimit nga posti i koordinatorit në qarkun e Shkodrës për Partinë Socialiste foli për herë të parë pas daljes nga mbledhja e Asamblesë Kombëtare të socialistëve.
Ai tha nuk ka rëndësi posti, por vendosmëria për të çuar përpara projektet për Shkodrën. Ndërsa në fund bëri edhe një paralajmërim duke thënë se do të ketë komunikime të tjera për këtë çështje, por edhe të tjera.
“E para ju falënderoj për durimin, të jeni të qetë, do të kemi edhe komunikime të mëtejshme për këtë dhe çështje të tjera. Unë di të them që nuk ka rëndësi nëse kam më post apo jam pa post, e rëndësishme është për çfarë çështjesh luftoj dhe për çfarë pikëpamjesh mbroj. Mungesa e ofiqit më bën të jem edhe më i vendosur për të çuar përpara projektet dhe idetë për Shkodrën”, tha ai.
Lindita Nikolla tha se nuk është mërzitur nga largimi si koordinatore e qarkut të Lezhës dhe shtoi se nuk ishin rezultatet e 30 Qershorit shkaku i largimit nga posti./ Opinion.al
