Kryeministri i Kosovës Albin Kurti ka reaguar në lidhej me kërcënimin me jetë ndaj tij teksa qëndronte në Maqedoninë e Veriut.
Teksa thotë se nuk është ndierë i kërcënuar, Kurti thekson se ka patur shumë forca policore që u kujdesen për mbledhjen e zhvilluar në Shkup ku mysafiri special ishte përfaqësuesi i SPD-së gjermane, Lars Klingbeil.
“Kam mësuar që ka shumë kërcënime nga individë e struktura të cilat i kanë rrënjët e tyre në Beogradin zyrtar. Sa erdha nga Shkupi, nuk jam ndier i rrezikuar, por kam parë që kishte shumë forca policore që u kujdesen për këtë mbledhje që e mbajtëm, e ku mysafiri special ishte përfaqësuesi i SPD-së gjermane, Lars Klingbeil”, është shprehur Kurti.
Reagimi i Kurtit vjen pasi RTK ka raportuar nga burimet e sigurisë se ka pasur një tentativë atentati ndaj kryeministrit të Kosovës, “nga atentatorë të mundshëm të ekstremit serbo-maqedonas, të afërt me Federatën Ruse, por nën kontrollin e institucioneve serbe”.
