Janë liruar nga gjykata e Shkodrës tre punonjësit e kësaj bashkie, të akuzuar për ndikim të paligjshëm në procesin zgjedhor.
Drejtori i Drejtorisë Ekonomike-Arsimore, Tekniku i Shërbimeve Mbështetëse në këtë drejtori dhe specialisti i Financës në këtë drejtori të Bashkisë së Shkodrës janë lënë në detyrim paraqitje.
Këta tre shtetas u arrestuan nga policia e Shkodrës si të dyshuar për shpërndarje të ndihmave ushqimore, por në seancën për masën e sigurisë nuk kishte prova të mjaftueshme.
Sipas njoftimit të uniformave blu, ata u kapën në flagrancë duke transportuar me furgon 50 qese me ushqime për t’i shpërndarë tek qytetarët për përfitime elektorale./Opinion.al
