Një 20-vjeçar ka rënë në prangat e policisë së Fierit, pasi u kap mat me kokainë dhe kanabis. Burime zyrtare nga policia bënë me dije se pas hekurave ra shtetasi Redion Hoxha, banues në Fier.
“Kapet në flagrancë dhe vihet në pranga një 20-vjeçar që shiste lëndë narkotike, në doza. Sekuestrohen doza të lëndëve narkotike kokainë dhe kanabis. Sektori për Hetimin e Narkotikëve i DVP Fier, bazuar në informacionet e siguruara nga inteligjenca policore se një shtetas lëvizte me lëndë narkotike në qytet, me qëllimin për ta shitur, kanë organizuar punën për kapjen e tij. Si rezultat, u arrestua në flagrancë shtetasi:
-R. H., 20 vjeç, banues në Fier.
Gjatë kontrollit fizik, shërbimet e Policisë i kanë gjetur këtij shtetasi, doza lënde të dyshuar narkotike kokainë, të gatshme për shitje. Më pas, gjatë kontrollit në banesën e tij, shërbimet e Policisë gjetën doza kanabisi të gatshme për shitje.
Lënda narkotike u sekuestrua në cilësinë e provës materiale, bashkë me një aparat celular”, njofton policia.
Materialet procedurale i kaluan Prokurorisë, për veprime të mëtejshme.
