TIRANE- Pak ditë më parë, gjykata nxori nga burgu dhe la të lirë administratorin e Edi Ramës për Kaçinarin, Petrit Bardhi, i cili u kap me 420 kilogramë drogë.
Partia Demokratike reagoi sot përmes Enlekejd Alibejat për këtë duke thënë se “ky është mekanizmi që ka vënë në punë Rama në aleancën e tij me krimin”.
“E bëri këtë trafikant, kryetar komune e më pas administrator, tani i jep dhe imunitet duke e lënë të lirë edhe pse shtëpinë e kishte mbushur me drogë dhe drogën e tregtonte në Greqi”, u shpreh Alibeaj.
Sipas tij, Gjykata e Edi Ramës lë të lirë trafikantin që kapet me gjysëm tonë drogë, sepse ky gërhet natën. Sepse Edi Rama e do të lirë trafikantin e tij, e do në shërbim, për delegatët e kongresit e për votat e zgjedhjeve që po afrojnë.
“Me gjithë kërkesën e përsëritur për drejtësi të pavarur, megjithë mesazhin e sekretarit Kerri i cili vlerësoi dekriminalizimin dhe tha se është model që duhet ndjekur, Edi Rama çdo ditë shkon në drejtim të kundërt.
Për këdo që ka më të voglin iluzion, Rama e ka bërë të qartë zgjedhjen e e tij. Nuk është zgjedhja e tij ligji, drejtësia dhe pastrimi nga krimi.
Zgjedhja e tij janë Ndoka, Cubi, Bardhi, Bushi, Roshi e Armando Prenga”, tha Alibeaj.
*Në foto nga e majta në të djathë: Petrit Bardhi, administrator i Kaçinarit, Ndue Gega, funksionar i PS (ish-kryetar bashkie), Eduard Ndocaj, deputet i PS dhe Ndrec Deda kryetar aktual i Bashkisë Mirditë.
