Një 19-vjeçar është arrestuar nga policia ditën e sotme pasi është kapur me automatik në makinë.
Uniformat blu bëjnë me dije se arrestimi i të riut me inicialet D.Gj është bërë në fshatin Lëkundë të Mirditës.
Pas kontrollit të makinës, 19-vjeçarit i është gjetur dhe sekuestruar një armë zjarri automatik dhe një krehër me fishekë në të.
19-vjeçari, banues në Mirditë akuzohet për veprën penale “Mbajtja pa leje e armëve, armëve shpërthyese dhe i municionit”.
Sakaq, materialet procedurale iu referuan Prokurorisë pranë Gjykatës së Rrethit Gjyqësor Lezhë, për veprime të mëtejshme./Opinion.al
