Një 46-vjeçar në Mat ka rënë në prangat e policisë për kultivim bimësh narkotike.
Sipas uniformave blu, 46-vjeçari u kap në flagrancë teksa kujdesej për bimët narkotike që kishte mbjellë në pyllin e fshatit Baz.
Nën hetim është vënë edhe kryetari i fshatit Rreth Baz për veprën penale “Shpërdorimi i detyrës”.
”Si rezultat i kontrolleve të imtësishme të kryera kundër kultivimit të bimëve narkotike, Komisariati i Policisë Mat finalizoi operacionin policor të koduar “End”.
Në kuadër të operacionit, u arrestua në flagrancë shtetasi Dh. Gj., 46 vjeç, banues në fshatin Rreth Baz, i cili u kap në flagrancë teksa kujdesej për bimët narkotike që kishte mbjellë në pyllin e fshatit ku banonte.
Në vijim të veprimeve procedurale për rastin u referuan materialet në Prokurori, ku nisi procedimi në gjendje të lirë, për veprën penale “Shpërdorimi i detyrës”, për shtetasin R. D., kryetar i fshatit Rreth Baz”, njofton policia.
Materialet procedurale i kaluan Prokurorisë pranë Gjykatës së Shkallës së Parë e Juridiksionit të Përgjithshëm Dibër, për veprime të mëtejshme./Opinion.al
