U kap duke i dhënë makinës pa patentë, policët e bëjnë për urgjencë

Një i ri është dhunuar nga policia pasi u kap duke drejtuar automjetin pa leje drejtimi.

I dhunuari Kristjan Doci është dërguar në urgjencë në Spitalin Rajonal të Shkodrës për të marrë mjekim pas dhunës së ushtruar.

Ndërsa familjarët e të riut pretendojnë për ushtrim dhune, nga ana e saj policia pranon se Doci është dërguar në urgjencë për ta rikthyer më pas në ambientet e komisariatit.

Ngjarja ka ndodhur mesditën e së enjtes, ku 19­vjecari u shoqërua në polici pasi ka qenë duke drejtuar një automjet pa patentë.

Në momentin që familjarët kanë shkuar në komisariat për t’i dërguar ushqime, kanë marrë vesh se djali ndodhej në urgjencë.

Sipas familjarëve i riu kishte shenja dhune në kokë dhe ka pohuar se ishte goditur nga punonjësit e policisë. Nga ana tjetër mjekët thonë se, 19­vjecari kishte disa gërvishtje në kokë./ Panorama.al