Është gjetur edhe trupi i pajetë i Alma Arrazit, e cila u vetëhodh bashkë me 3 fëmijët e saj në lumin Buna.
Kështu kanë përfunduar pas 5 ditësh edhe kërkimet në ujërat e lumit Buna.
Më herët, gjatë ditës së sotme, është gjetur dhe trupi i fëmijës së mitur 3-vjeçar, ndërkohë që gjatë 2 ditëve të fundit janë gjetur trupat e pajetë të vajzave të familjes.
Të tre fëmijët janë mbytur në lumin Buna bashkë me nënën e tyre, pasi dyshohet se dhunoheshin dhe keqtrajtoheshin nga babai i tyre.
Për ngjarjen, policia ka arrestuar babain e tre të miturve, Erdgys Arrazi, të cilin Gjykata e Shkodrës e la nën masën “arrest me burg” për dhunë dhe shtyrje drejt vetëvrasjes.
Prokuroria e Shkodrës zbuloi edhe mesazhet ofenduese dhe tradhtinë në celularin e bashkëshortit të Alma Arrazit, Erdgys Arrazi./Opinion.al
